Վրաստանը դարավոր պատմություն ունեցող բազմազգ երկիր է՝ հարուստ բազմաթիվ հանճարեղ հուշարձաններով և գունագեղ բնությամբ: Այն գտնվում է Մեծ և Փոքր Կովկասի լեռների միջև: Այստեղ կան ավելի քան 300 լեռնային, ծովային, կլիմատիկ և ցեխային հանգստավայրեր:
Վրաստանը գտնվում է Եվրոպայի հարավ-արևելքում և գրավում է Անդրկովկասի կենտրոնական և արևմտյան հատվածները: Հյուսիսում այն հարևան է Ռուսատանին, արևելքում՝ Ադրբեջանին, հարավում՝ Հայաստանին և Թուրքիային: Արևմուտքում այն ողողվում է Սև ծովի ջրերով: Վրաստանի տարածքը հիմնականում լեռնային է՝ դրա մեկ երրորդից ավելին ծածկաված է խիտ անտառներով: Հյուսիսում Ռուսաստանի հետ սահմանը անցնում Կովկասյան լեռնաշխթայի վրայով, որտեղ գտնվում են երկրի ամենբարձր կետերը, որոնցից ամենաբարձրը Շխարա լեռն է (5068 մ): Փոքր Կովկասի լեռնաշխթան անցնում է Վրաստանի հարավով, այստեղ ամենաբարձ կետը չի գերազանցում 3000 մետրը: Ընդհանուր տարածքը կազմում է 69,7 հազ. քառ. կմ:
Վրաստանի ամենահայտնի հանգստավայրերն են Բաթումին, Քոբուլեթին, Բորժոմին, Բախմարոն և Գուդաուրին: Վրաստանի մայրաքաղաք Թիֆլիսում հիշարժավան վայրերի շարքում առանձնանում է Սուրբ Դավիթի անվան VI դարում կառուցված վանքը, ինչպես նաև V դարի կառույց Սիոնի տաճարը: Նաև անշուշտ, խորհուրդ ենք տալիք այցելել հայտնի վրաց թանգարանները, որոնք Ձեր առաջ կբացեն այս հյուրանընկալ ժողովրդի դարավոր պատմության էջերը:
Վրաստանը հայտնի իր հանքային ջրերով: Հանրապետության տարածքում կան թվով 22 հանքաղբյուրներ, որոնց մեջ առանձնանում են Բորժոմին, Զվարեն, Սաիռմեն, Նաբեղլավին, և ուրիշները: Վրաստանը մատակարարում է հանքային ջուր առավել քան 25 երկրներին: